blogger platform par apni new post likhne ka tarika

Hello friends kaisi hai aap, friends pichli post Mein Mene aap sab ko bataya ki "free me blogger se professional website ya blog kaise banaye". Friends aaj ki iss new post mein hum aaj sikhenge ki blogger platform par apni new post likhne ka tarika. Friends aap mein se kuch aise mere friends bhi honge Jo blogger post likhna accha se Jante honge par ye post mere un sabhi friends ke liye hai Jinhe blog post likhne mein different different types ki problems aati hogi. Friends blog post likhna koi mushkil kaam nahi hai lekin ek achi blog post likhna bahut mushkil kaam hai, mushkil se mera matlab seo ( Search Engine Optimisation) friendly.

Apki blog post kaisi honi chahiye?

Friends apke blog ka title, url aur post seo friendly hona chahiye jisse ki search engine bhi aapki post ko samaj paye aur aapke visitor bhi aap ki batayi gayi useful information Ka asani se benefit le paye. friends aap ki blog post aisi honi chahiye Jisse aap ke visitors apki post par baar baar visit karenge aur acche comments bhi karenge. Friends ek baat aur batana chahunga ki apni blog post main kam se kam do images ka use Jarur kare kyonki ek image 1000 words ke equal hoti hai. Toh friends aap sab ab ready ho Jaye apni new post blogger me publish karne ke liye.

Blogger platform par apni new post likhne ka tarika

Friends sabse pehle aap www.blogger.com par login ho Jaye.Login hone ke baad ab ap new post per click kare. new post per click karne ke baad ab aap sabse pehle apni blog post ka post title likha hoga.

         

1 Post title--> friends post title ke baare mein aap ko bata du ki post title ek aisa link hai Jis par visitor click krke aap ki website tak pahuchta hai. Post title aisa hona chahiye jisse ki visitor ki samajh mein aa Jaye ki aapki blog post kis niche (topic) par hai.

2 post content--> post content me aapko apni blog ki post ke topic ko detail Mein likhna hoga. ek baat aur yaad rakhe ki apki blog post meaning full honi chahiye because content is king. Apni blog post kam se kam 500 to 1000 words ki likhe.

3 Heading tag--> friends heading tag bhi seo ka ek part hai Jo post ko rank karwane mein bahut important hai. friends aapko apni Puri blog post normal heading me hi likhni hai. heading option(H1) ka use sirf aap ek baar hi kar sakte hai apni puri blog post mein.(H2) matlab subheading ka use aap apni post mein 10-15 bar kar sakte hain aur last minor heading (H3) ka use aap image/photo ke bottom me kar sakte hai aur hame image me bataye gaye scene ke bare me detail de sakte hai.

4 Label-->label option me hum apni blog post se related category likhte hai.for example meri post agar technology par hai to mera label technology hoga.Hum zada se zada 150 words tak label set kar sakte hai, but usse zada nhi. labels ko hum comma se separate karte hai.

5 Schedule--> Schedule mein aap date aur time ko change kar sakte hain.

6 search description--> Search description mein Jo bhi text hum likhte hain. visitors usi text ko padh kar hamari site par visit karte hain. Isliye hame description likhna chahiye hamesha short aur attractive.

7  Permalink--> permalink aapki site ka url hota hai aur ye automatically apki site ke url ko calculate kar leta hai aur google search mein dikhata hai. Automatic permalink ko aap custom permalink Mein change kar sakte hain aur apne hisab se blog ke URL ko set kar sakte hain. Inn sabhi steps ko follow karne ke Baad apko apni blogpost Ko publish karna hai yaani left side par jaakar publish option par click karna hai.Apki post publish ho jaayega.

Conclusion--> Friends ab aap Jaan Gaye honge "Blogger platform par apni new post likhne ka tarika". Mujhe umeed hai mere post aapko zaroor pasand aayi hogi. Mujhe comment karke Jarur bataye.